4 BAE
HUMOR DAW!
Usa ka hapon, samtang nag ukuy0ukoy ako sa kwarto sa akong lola, nadunggan ko siya na nag istorya mahitungod sa tulo ka bungtod na iyang nakita sa usa ka lihit ug layo na dapit sa Mindanao. Ana siya na ang pinaka dako sa tulo kay astang gamaya na mura kini ug gamay na totoy sa dalaga. Ang misunod na mas gamay kay sama sa kinagamyang totoy. Ug ang ika tulo, ang pinakagamay na mura na lang ug mibugdo sa yuta kay maalaan na hubag sa panit. Ana akong lola na ginganlan kani sa mga nagpuyo dapit sa bungtod sama sa unsa ang dagway sa mga bungtod. Ug kay mahilig man tang mga Pilipino ug shrt cut, ug kay Pilipino man pud tong nagpuyo diadto, ang mga pangalan sa mga bungtod kay nahimong Gatoy - gamay na totoy , Kitoy - kinagamyang totoy, ug Hunit - hubag sa panit.
*********************************************************************************************************************
Pagkatao sa akong ig-agaw, tungod kay mahilig man ang iyang inahan ug mga Istayt Sayd na mga pangalan, ginganlan siya ug John Smith (dili tinuod nga pangalan), sama sa iyang ate na ginganlan ug Amy Smith (dili pud tinuod nga pangalan). Hastang lipaya sa akong anti kay ang bata na si Johnny, gi-anggaan niya ug John, kay mura man gyud ug Amerikano. Taas ang ilong, nipis ang ngabil ug medyo naay pagka puti.
¨Maalaan gyud ning bataa ni ug anak sa Amerikano kay Amerikano na ang nawong (kusi sa aping), Amerikano pa gyud ug pangalan!¨ pirminti nako madunggan ang akong anti mag istorya sa iyang kaugalingon samtang ginakugos ang bata na si John.
Samtang naga dako si John, ang among unkol na si Patrio kay na-addict sa usa ka uso na timbura. Ambot unsay naa atong timburaha to na gilamian man gyud pagmaayo ang among unkol. Kining unkola pud ni kay pirminti na ginalaag ang bata na si John. Uban sila muadto ug Plaza, sa palengke, sa tindahan, sa pagpanguyab sa akong unkol sa iyang mga kras.
Usa ka adlaw, kabalo na si John mudagan ug magdula-dula, mibagting ang dalunggan ni anti ug nagdilaab ang iyang nawong sa kasuko atong nadunggan niya ang akong unkol na misampit sa pangalan sa timbura. Wala man untay problema sa pagsampit sa akong unkol apan nakita ni anti na dili ang timbura ang ginatawag sa akong unkol. And pinaka sakit kay milingi ang bata na si John.
¨Inatay kang Patriyuha ka! Bantog ra na mura na ug bungol tawagon nang bataa na ug John! gi-angaan naman diay nimo ug Timburantoy!¨
Basig unsa pa ang gibuhat ni anti, wala na siyay mabuhat kay nahimatngon na man si Timburantoy sa iyang pangalan. Pagkadako ni Timburantoy, nahimo man kini ug patulon. Mao, ang Timburantoy, naapelyiduhan ug ang pangalan sa akong ig-agaw kay nahimong Timburantoy Patulon ug wala na gyud nakaila kay John Smith.
*********************************************************************************************************************
Natural na sa tao na naay depekto sa kalawasan. Ingon pa nila sa Inggles, no one is perfect.
¨Uy! Bebe! Kumusta na man ka?¨ pagpangutana sa usa ka babaye na nakasugat namo sa dalan pa-ingon sa balay sa akong lola.
¨Maayo man,¨ tubag ni mama na ang ngisi halos gisi-on na ang iyang nawong.
¨Mao ning kinugos ni Marlon na akong bana?¨¨pagpangutana niya sabay susi sa akong nawong na mura bag naay mugawas na letra sa akong panagway na mutubag sa iyaha.
¨Dili uy! Ako man tong kamagulangan. Kadtong lalaki, ¨ tubag ni mama na nakasabot na naalaan na pud ko na laki tungod sa akong buhok ug pamisti.
¨Ay! Kay kinsa man diay ning kinugos?¨ sabay kun-ot sa iyahang nawong.
¨Inyo nila Inday¨
¨Kinsa bang Indaya? ug misamot mi kun-ot ang iyahang panagway.
¨Inday ba na pahak!¨
¨Asawa ni Dodong Kamagong?¨
¨Si Inday man to na Pangag ang asawa ni Kamagong! Inday ba na Tata Butod!¨
¨Ay tuod! Wala man diay to ka-intir si Inday Pahak kay didto man siya mi-adto sa kasal sa anak ni Noli Bungi.¨
¨O! Kamo man lang to nila Inday sali...
Ug mikunot na pud ang panagway sa babaye kay wala na pud siya ka-ila sa gisampit na ngalan ni mama.
¨Inday ba, anak ni Sali Buang! Na-unsa na man ka Sara uy!?¨ sulti ni mama na mura bag hapit na siya masuya sa pagka kalimtanon sa iyang ka storya.
¨Ay o, tuod, tuod. Karon nakahinumdom na ko. Kami to ni Inday Sali ug Dodong Muklo,¨ ug mitan-aw ang babaye sa ako. ¨Amin didi day kay Ninang man diay ko nimo,¨ ug miduol ko sa iyaha ug mi-amin.¨Pasensyahi na ni imong Ninang Sara day ha kay kalimtanon na gyud kaayo ko,¨ pagpangatarungan niya sa ako.
¨Kalisod ba diay tun-on ning balay ninyo Sara,¨ pagreklamo ni mama. ¨Wala may nakaila nimo diri.
¨Ay, uy, Bebe. Pag muadto ka diri, pangitaa ang balay ni Sara, asawa ni Marlon Bungoton.¨